【湯文亮】《三隧午夜後免費 可振興夜經濟》

前日到港台講樓市，主持人突然間問我對隧道分流，以及分時段收費的意見，我認為政府所提出的方案未必是最好，不過，最少有改變，如果效果唔好可以修改，行出第一步是最艱難的。香港政府如果要推行一些政策，應該與國家政策配合，民間早已做了，例如匯豐銀行有分行試行七天營業，配合從內地到香港的投資者。所以，香港政府在考慮分時段收費時，應該考慮內地關於夜晚的政策。內地提振夜經濟，令到夜生活更多姿多采。老實說，香港的夜生活大不如前，甚至比內地一些大城市差很遠，所以，最應該提振夜經濟的是香港，因為在通關之後，不少內地青年到港，但我替他們可惜，沒有機會享受以前香港的夜生活，沒有夜生活便沒有夜經濟，不但不能與國家政策配合，更不能稱為東方之珠。內地提倡夜經濟 港應配合國策有人話香港怎樣能夠提振夜經濟，唔通由政府開幾間夜店，當然不是那麼簡單，夜經濟就是令那些本來在家中的人出外，例如以前中環大笪地，不過，現在再搞都冇用，已經不合潮流，董特首亦嘗試過，結果是無疾而終。振興夜經濟可以借助隧道的分時段收費計劃，我的概念很簡單，第一部分與政府一樣，就是西隧60元，東隧、紅隧30元，午夜12點到凌晨6點，全港所有隧道都不收費，相信可以吸引多一些人出外跨區甚至過海消費，有消費就有夜經濟。反過來說，在半夜前各隧道的交通流量一定很暢順，要返屋企的人可以早些返屋企，要玩的人可以玩多一陣，等唔使畀隧道費才返屋企，夜經濟便由此而生。（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）▸更多文章：投資心得文章 | 湯文亮 紀惠集團行政總裁

【李峻銘】《美緩加息聯儲放水 樓價升勢可持續》

上週末美國的矽谷銀行在48小時內極速爆煲，本週末又輪到瑞士信貸銀行（Credit Suisse）出事！ 瑞士信貸爆煲如何收科？銀行創立於1856年，歷史悠久，在全球都有業務，管理的資產規模超過14,783億瑞士法郎，員工人數超過47,000人。由於是「大至不能倒」，結果由瑞士政府出面遊說了瑞士銀行（UBS），同意以30億瑞士法郎收購，瑞士銀行只承擔最多50億瑞郎的損失，而瑞士政府負責其後90億的損失，並向兩間銀行提供1000億瑞郎的流動資金。簡單來說，又是以納稅人的錢來解決問題。至於股東也損失慘重，瑞士信貸的股價在2021年2月份還有15美元，去週已經跌至2美元，今次交易總價30億瑞郎計，相當於每股0.76瑞郎，股東雖然未至於一無所有，但也所剩無幾！瑞士信貸銀行的大股東是沙烏地國家銀行，所以也有評論認為今次是美國挑起火頭，向歐洲及沙地割韭菜，相信與否就見仁見智。 銀行危機的影響及後遺症反而，筆者更關心此次銀行危機，帶來的影響及後遺症。最直接的影響當然是美國的加息效應，原來市場估計本週美國聯儲局有機會加息0.25%或0.5%，經過此事，為了避免對銀行製造更大壓力，加息0.25%成為主流，機會率有近八成，也有不加息的可能。更重要是到年中，便會開始減息，未來一年有機會減息1厘！ 聯儲局新計劃 挽救出事銀行除了息口加快見頂外，美國聯儲局正在進行中的「量化緊縮」（QT）相信也會暫停，其實過去一年QT只收了市場近6000億美元資金，但過去一週聯儲局為救市，已向市場投入近3000億，以改善市場流動性。聯儲局在挽救出事銀行時，推出了一項新計劃，名為「Bank Term Funding Program (BTFP)」，主要針對銀行購買了不少國債及房地產批押債券（MBS），雖然此類資產因利率上升而在帳面上有所損失，但銀行仍然可以用帳面價值向聯儲局借款。換句話，銀行可以在市場用$80購入面值$100的國債或MBS，然後向聯儲局借回$100，買得多借得更多，市場估計會有2000億美元的資金因而流入市場。短期而言金融市場仍會有些震盪，但減息及放水的背景下，加上國內在週末也降準0.25%，齊齊加入放水行列，對香港的樓市會帶來一些支持力；長遠而言，金融投資頻頻出事，也有助投資者重投買樓投資的行列。▸更多文章：投資心得 | 世紀 21奇豐物業顧問行主席及行政總裁 李峻銘

【李根興】《Blue Ocean Strategy 藍海策略: 三部曲》

做生意有兩個海。 紅海，就是人做你做，價格競爭，互相廝殺，血染大海。 藍海, 就是你費時同人爭，自己游開去， 當競爭對手無到。一般的公司，要識得 compete， 片低競爭對手，可惜 ，搞到個海紅曬。真正叻嘅公司，係應該識得 create, 做大個餅，唔使理啲競爭對手， 享受自己嘅碧海暢泳， 因為佢已經游出咗個藍海 。點做? 聽落去你就明。 而家係法國 INSEAD 商學院嘅 Blue Ocean Strategy Institute  讀書。 自2005年出版以來，呢本 Blue Ocean Strategy 書就翻譯咗44個唔同語言， 全球賣出咗400萬本。 根據Thinkers50, 作者INSEAD 教授 W. Chan Kim 同埋 Renee Mauborgne 都連續五屆成為全球頭五名 Business Thinker 最具影響力嘅商界智囊。| Blue Ocean Strategy 書翻譯了44個不同語言， 全球賣出400萬本。(影片截圖) 係呢本書，佢哋研究咗全球108間公司推出嘅新產品，發現86%都係一啲叫做紅海嘅產品，即係人做佢做。只得14%係藍海產品。 但係嗰14%嘅藍海產品， 對整體公司收入嘅影響就增加咗38%， 對利潤嘅影響仲增加咗61%。 換句話說，如果你推出藍海嘅產品，你賺錢嘅比率係比紅海高出接近十倍。咁點樣先能夠搵到藍海呢? 三部曲: (1) 先要知道邊個係你批客(2) 了解佢哋由購買、使用、至保養、棄置嘅痛點 Pain Point 喺邊度(3) 透過ERRC (Eliminate, Reduce, Raise and Create) 去重新佈局自己嘅產品Step (1) 你先要知道邊個係你批客係嗰行做生意，好多人覺得最緊要知道嗰行頭嘅核心客人喺邊個。Who are the core customers? 服務得佢地好，咁就賺大錢啦。錯啦! 根據藍海策略，你要打低行家，賺大錢，比 core customers 更加重的就係要知道邊個係 non-customers 非客戶。 你唔係要去 compete, 而係要去 create. 你搵到呢班non-customers喺邊度，吸引佢哋過嚟幫襯你。Non-customers (非客戶) 有三種。Tier 1 : "Soon-to-be" non-customers. They are noncustomers who are on the edge of your market waiting to jump ship. 佢哋好唔滿意個行業嘅現況，好想離開唔玩。Tier 2: "Refusing" non-customers who conciously choose against your market. 呢班人已經決定咗唔幫襯你個行業。Tier 3: "Unexplored" non-customers who are in markets distant from yours. 呢班人諗都冇諗過幫襯你嗰行。| Tier 2: "Refusing" non-customers who conciously choose against your market. 呢班人已經決定咗唔幫襯你個行業。 (影片截圖)以我自己為例。喺香港買間街舖平均要三千萬港幣，就當買舖投資係個行業。 有啲人覺得買咗間舖之後租唔出，好煩，以後都唔會再買多間。呢班就係 Tier 1 "soon-to-be" non-customers. 佢哋已經入咗嚟個行業啦，但係好唔滿意個行頭，好想走，以後可能唔再返來。Soon to be not customers anymore. 有啲人睇嚟睇去都冇從入手， 覺得買舖好難， 都係買返住宅工商物業好啲。呢班就係 Tier 2 "refusing" non-customers. 佢哋已經決定咗唔幫襯呢個買舖行業。Tier 3 "unexplored" non-customers， 呢班人完全諗都冇諗過要買舖投資。 佢哋只有買一般股票、債券，或者將啲錢放銀行就算數啦。如果我只係target嗰班 core customers 核心客戶, 即係買開舖嗰班老手或者抄家， 咁我間舖就要特別平或者特別靚，core customers 先至會買。 蘋果對蘋果，又要平又要靚，我梗係賺唔到錢啦。但如果我 target 班 non-customers, 只要我係能夠滿足佢哋想降低風險，唔想煩，但又要有合理回報嘅需求，我charge 嘅收費同埋畀佢批貨就可能好唔同。 而家就係用緊個橙同蘋果比，無得直接比較，咁先有我哋嘅獨特價值。 呢個，亦都我公司商舖基金專注行緊嘅方向。 再講下班入面另一個你同我都一定玩過嘅行業 - 打機。 喺電子遊戲機呀。一諗起打機，可能你就會覺得 core customers 核心客戶就係嗰班十零廿歲靚仔，日打晚打，坐喺度對咗個screen淨係用隻手指係咁篤。 咁多年最出名嘅應該都係Sony Playstation 同埋 Microsoft Xbox。如果你係第三間打機公司，咁點打低佢哋兩個呢? 咁你要試下 target non-customers。諗真啲其實市場上有三班 non-customers. Tier 1 soon-to-be non-customers 就係嗰班打開機嘅靚仔，日打夜打已經打到好悶， 分分鐘屋企人又反對，想試下啲新嘢。 佢哋就嚟想離開個行業。Tier 2 refusing non-customers 就係嗰班女仔或者鍾意運動嘅靚仔， 唔想日日坐喺度篤篤篤打機， 佢哋特登就係唔想玩 Playstation或者Xbox。Tie 3 unexplored non-customers 就係嗰班老人家，父母， 好似我咁，從來冇諗過要係屋企打機， 仲成日反對個仔女打機㖭。咁點樣可以吸引到呢三班人呢? Nintedo 就喺2006年推出咗 Wii， 我相信你都可能玩過Wii。Wii 就係唔單止坐係道篤篤篤， 而係配合有好多全身嘅運動， 先至打到tennis ，出到拳， 閃到身。佢就吸引咗個班已經玩到厭，想試下新嘢嘅 Tier 1 soon-to-be non-customers, 較鍾意運動喐下嘅 tier 2 refusing non-customers, 同埋想同屋企人一齊玩而本身年紀較大嘅 Tier 3 unexplored non-customers，好似我咁。 我當時自己都買咗部Wii同屋企人玩。但Paystation Xbox? 我從來都無買過， 亦都唔打算買。講完 Step (1) 班客係邊個，再Step (2) 了解班客由購買、使用、至保養、棄置嘅痛點 Pain Point 喺邊度| Step (2) 了解班客由購買、使用、至保養、棄置嘅痛點 Pain Point 喺邊度 (影片截圖)Wii 點解我會買? 因為解決咗我同好多人嘅痛點， 就係覺得另外嗰兩個牌子啲遊戲太複雜， 唔鍾意成日坐喺度淨係搵手指篤， 但係又唔想好似同時代脫節，見到啲靚仔玩自己又唔識玩。 因此點都要買返部覺得自己 "in" 啲。Wii 就係成功行咗第二步，(2) 了解 non customers 嘅痛點 Pain Point 喺邊度，解決咗佢，吸引新嘅客源。做生意有本事，你就樣樣嘢都做得好過人。但咁樣，通常成本會過高。樣樣嘢都慳 ，產品就會太渣。 必須要喺一個取捨，就要行第三步Step (3) ERRC. Eliminate 刪除, Reduce 減少, Raise 增加 and Create 創造，去重新佈局自己嘅產品呢個就係Wii 當年嘅 Strategy Canvas 戰略佈局圖。佢 eliminate 刪除咗高解像度嘅圖像，eliminate 咗打機以非必要functions 同埋接駁 HDTV 嘅功能。 佢 reduce 減少咗 processing power and online gaming 嘅能力， 由於部機簡單咗，所以價錢亦都比當時嘅入門版 Playstation 3 (賣緊美金$499或599 )同埋 Xbox (賣緊美金$299或399) 平，Wii 2016年推出嘅時候只賣美金249，平均平咗4成半。雖然平啲，Wii 就 Raise 增加咗部機嘅設計美感，感覺比較有型，同埋推出更加多不同嘅遊戲比玩家選擇。佢create 創造咗 motion gaming ，要全身旭先至能夠打到機， 同埋家庭友善，可以全家人一齊玩嘅遊戲。亦都因為咁佢就搵到佢嘅藍海 Blue Ocean, 2006年一推出就大受歡迎， 吸引咗嗰班從來無買過Playstation同埋Xbox嘅客戶去買。推出頭一年， Wii 全球賣出咗超過二千萬部， 有超過五成嘅市佔率, 多過playstation同埋Xbox兩個加起嚟。如果當初Wii 係諗住吸引返同一班打開機嘅核心客戶 core customers ，即係嗰班hard core 打開機嘅靚仔嘅話，肯定冇咁嘅成績。Wii 唔單止 compete, 而係create 咗個新市場叫做 Motion Gaming.  雖然近年少咗人玩Wii，但佢推出短短十年就全球賣出咗超過一億部，come on, I have no complaint， man! 最後，好重要嘅就係藍海嘅產品，例如上面嘅 Wii，係會同時令公司嘅成本降低，但人客嘅價值提升。呢個先係 value innovation 價值創新。 如果你嘅成本無降低到，或者人客嘅價值無提升過，你只係停留緊喺個紅海入面， 鬥平或者鬥靚，未游到出去個藍海。| 好重要嘅就係藍海嘅產品，例如上面嘅 Wii，係會同時令公司嘅成本降低，但人客嘅價值提升。 (影片截圖)記住，做生意唔一定要 compete，而係要 create 呀。唸下班 Tier 1, 2, 3 non-customers， 有乜嘢可以降低自己成本，同時又提升客戶嘅價值，吸引班 non-customers 過來， 解決佢哋嘅痛點， 透過ERRC 做大個餅。 我嗰班買舖嘅客，好多都唔會自己單獨去買。 你批客呢? 你個海又係紅定藍呢? 總結 Summary: 《Blue Ocean Strategy 藍海策略: 三部曲》(1) 尋找到那班 non-customers (非客戶)Tier 1 : "Soon-to-be" non-customers. Tier 2: "Refusing" non-customers.Tier 3: "Unexplored" non-customers.(2) 了解班 non-customers 由購買、使用、至保養、棄置的痛點 Pain Points 在那裏?(3) 透過ERRC (Eliminate, Reduce, Raise and Create) 去重新策略佈局公司的產品，游出藍海。#藍海策略三部曲，#BlueOceanStrategy。。。。。。。。。。。。。李根興 Edwin (盛滙商舖基金創辦人)www.edwinlee.com.hk聯絡李根興 Edwin (+852) 90361143▸更多文章：舖位投資心得 | 李根興先生 (盛滙商鋪基金管理有限公司行政總裁)