星期三各發鈔銀行以及大銀行聯手加息，將H按封頂上限調高至2.35厘，即是加了0.2厘，幅度很小但意義重大，今次在美聯儲局宣布之前就加息，意味着美聯儲局在9月議息後宣布加息，香港一定會跟隨，這將會令到很多人失望，他們認為即使美聯儲局加息，香港有能力不跟隨，這已經發生了7次，不少人認為這是新常態，無論美國息口有幾高，香港仍然可以維持在低水平。 今次香港各大銀行聯手加息，破壞了他們期望的新常態，如果今次加息只是一次，以後跟隨美息上落，這也還不是太壞。現在有一些過往非常樂觀的人擔心，香港會不會繼續加息，即使美國唔加，香港都會加，如果是這樣，香港業主面對的加息壓力就會非常巨大，樓市就會借勢調整，最近買了樓的業主當然非常擔心。 在各大銀行聯手加息之後，分析員話加息周期開始，其實毋須講得咁斯文，不如直接話「息狼」來了，狼很少單獨出現，大多數是聯群結隊，任何人見到一隻狼未必會覺得恐怖，但見到一群狼就不同，而且很難脫離狼群魔掌。 外資流走　加息次數料增 「息狼」也一樣，一次加息，供樓的人話飲少餐茶；兩次加息，食少餐飯就可以抵消，但如果加七八次息，就要節衣縮食，今次各大銀行在聯儲局宣布議息結果之前加息，其實是向大家提出警告，在中美貿易戰陰霾之下，存放在香港的資金逐漸流走，香港必定要加息，有可能美國唔加香港都要加。 樓市升 財務公司得益最大 外資存放在香港的資金，很多都是借給財務公司再轉借給以高成數按揭買樓的人，外資離開，必定會向財務公司追收欠款，而財務公司自然會b2b向債仔追數，如果債仔能夠及時將物業轉按到銀行，他們可以說是逃過一劫，甚至可以說是贏家，但如果要賣樓還債，就不能肯定是否是贏家。 或者會有人問今次樓市升市，最大得益者是哪些人，我講大家都未必相信，得益者其實就是早已扮演「息狼」的財務公司，因為很多問財務公司借錢買樓的人最後會發現，即使樓價上升了很多，但利潤被財務公司的高息蠶食了一大截，其實，那些人要感恩，很多人連本也被蠶食，連渣都無。

皮製傢俱高貴大方，而且皮革質地柔軟，所以深得大部份戶主歡迎o架 ! 但坊間亦都有好多仿皮傢俱，價錢真係差咗一大截 唔想用貴價買到仿皮傢俱就要識得分辨真皮、仿皮喇 ~ 點樣分辨就交俾裝修妹話你知啦 !

最近有業主朋友發現筆者嘅專欄, 就打電話嚟同我大吐苦水, 話說家居保險、業主保險都買齊, 有事發生咪又幫唔到手, 到底點解會咁嘅？ 事源係咁, 喱位業主一共有兩個單位響同一幢大廈, 樓上自住、樓下出租, 有一日個租客打電話俾業主話佢廚房個名貴煮食爐塊玻璃突然爆咗, d玻璃碎到蜘蛛網咁, 整番都嘥藥費, 要求業主立即更換, 業主因為工作關係仲未收工, 咪叫萬能姐姐落樓下視察下乜嘢環境, 探子回報話根據同鄕(租客嘅外傭)講租客太太剛剛生完小孩, 每日要煲薑醋招呼d親友, 煲醋仲鬼死咁重, 可能一放個煲落煮食爐翻熱時跣手，大力咗咪裂曬囉. 啊.....水落石出.....業主咪諗住叫租客自理, 點知租客死口唔認問邊個講？業主咪話你個外傭講, 租客就死撐話個外傭唔識廣東話！我都明, 但係你外傭講印尼話我萬能姐姐識聽嘛太太！囗同鼻拗係無意義的. 跟住業主突然又諗起有買到業主保險, 立即搵保險經紀問, 咁個經紀話唔該出示一下你張租約嚟睇下先, 張租約呢就係地產代理嘅標準租約, 裏面講屋內嘅固定裝置如有損毀就屬於租客負責, 由於租客打死唔認, 業主都無符, 咁經紀又話如果爐具公司能出示到證明係塊玻璃自然爆開都有可能賠到, 業主立即打電話去煤氣公司問下可唔可以出個證明啦, 答案係冇嘅, 因為個爐係入伙時裝的, 距離現在已經超過10年, 好大可能係自然損耗, 業主唯有死死氣換咗佢囉. 一般家俬電器或者固定裝置如果因為老化/天然損耗而需要更換, 無論你係買咗家居保險/業主保險, 基本上都列入不保範圍的, 並非保險公司有買冇賠, 如果咁都有得賠嘅, 應該冇人會開保險公司喇. 業主朋友聽完之後就話.....啊.....原來係咁.....所以如果閣下有機會遇到朋友講買咗保險冇得賠的話，敬請用心聆聽一下事情嘅真相至好下判斷.