2020-01-31
經濟日報
武漢肺炎疫情日趨嚴重，市民亦做好防疫措施，佩戴口罩，提高戒備，除對新春活動帶來影響外，對二手睇樓亦會產生不方便。
據悉，武漢肺炎疫情下，一手市場發展商如期賣樓，新盤售樓處仍維持照常開放，惟多家發展商表明加強消毒及清潔，控制人流，做好防疫措施。
透過電話問盤溝通
至於二手市場，無疑農曆年前後，部分業主都會因忙於過年或外遊，婉拒準買家睇樓，睇樓活動順勢減少。由於疫情擴散，不少地產代理行亦有相應安排，部分代理行允許懷孕或於跨境居住的員工在家工作，代理可以透過電話或通話平台與業主與客人問盤溝通，以及滙報市況。
目前各大代理積極發展數碼化，網上睇樓日趨普及，起碼讓準買家做定前期功課，透過影片了解單位間隔和價錢等基本資料。處於疫情下，網上睇樓就能大派用場。
網上平台隨時睇樓
若干年前，網上搵樓只限於睇硬照，現時今日，放盤單位不僅是睇相片，還提供影片，準買家可360度多角度參觀單位，恍如走進單位實地參觀廳、房、廚房和浴室。平時睇樓客參觀單位時，在屋內只是逗留短短幾分鐘，可能出門口或轉頭已忘記單位廳房位置，以及門位。如今有網上搵樓平台，準買家可隨時隨地重溫單位間隔。
其實，一直有一種慣常做法，部分單位仍有租客，不方便開門睇樓，部分代理可能會提供相片，予準買家或準租客，以睇相片看樓，然而單位內籠實際現狀就可能有出入。
撰文 : 蘭茜