有裝修單位 始終討好買家

上車客因手頭資金所限，入市時往往要精打細算，任何支出都是計過度過，有準買家睇樓多個月，選購了一個有裝修單位，而放棄了另一個無裝修單位。 內籠太舊 恐要大執 上述準買家為一個年輕小家庭（2大和1細），入市預算約600餘萬元，2房單位，且睇樓多月，終於情傾一個有裝修約400平方呎的2房單位。話說，上述年輕小家庭，早前曾睇中另一個單位，可惜該單位內籠太陳舊，需要全屋重新裝修，恐怕大筆裝修費用會超出預算，故惟有放棄。反而選購另一個有企理裝修單位，省回一筆裝修費和裝修時間。 裝修費雖說豐儉由人，但動輒都要6位數字，一個約400平方呎2房單位若是要全屋翻新，更換浴室和廚房配套，保守估計約20萬元，故銀根有限的買家當然會「就住就住」。 品味用料適合否 見仁見智 有見及此，部分有裝修的放盤單位叫價比市價高，皆因賣方將裝修使費加入叫價內，亦想求好價賣樓，這也是人之常情，而單位備有裝修賣相亦較討好買家，心理上是一分錢一分貨，至於裝修品味和用料是否適合下一手買家，可說是見仁見智。 反觀，內籠殘爛散單位承接力備受考驗，分分鐘放盤一段長時間也未被市場消化，對於用家而言，即使價錢幾平對這些劣質單位仍有保留態度；相反地，投資者睇價位，只要價錢夠吸引，平市價約1、2成，就會打動投資者出擊，購入後會為單位裝身，讓睇樓客有簇新裝修的感覺。