新冠肺炎疫情爆發第三波，九龍東和沙田成近日焦點所在。各大公司嚴陣以待，做好防疫部署、準備工夫，以防一旦有員工確診影響公司運作。
前線代理表示，特別有老有嫩的放盤單位，此類單位在疫情期間，會暫避風頭火勢，索性謝絕睇樓，早於3月份不少業主已婉拒睇樓客睇樓。
睇樓活動大減
多個月疫情期間，大部分屋苑、睇樓人士都做足防疫措施，如量體溫，配戴口罩，以及使用消毒液，睇樓客和前線代理亦習以為常。至今疫情急劇惡化，睇樓活動大減，部分業主更坦言唔肯開門，重回3月境況。
業主態度不再堅持
正正因為疫情轉差，樓市交投勢受影響，樓價反覆上落，反而增加買家議價本錢，而業主亦肯減價沽貨，青衣盈翠半島有2房單位，內園開揚景致，5月放盤，叫價950萬元，放盤初時曾有準買家出價至900萬元，惟當時業主未有答應；至近期疫情再度惡化，業主似乎亦不再堅持，有買家出價至892萬元亦拍板交易，售價較放盤初期第一個準買家還價900萬元，還要低8萬元，可能業主擔心單位再拖，賣價會愈來愈低。
同時，粉嶺區有小業主6月以540萬元放售其2房單位，面對疫情有變下，7月即調低叫價至515萬，最終以低於500萬元達成交易，而該小業主屬一手業主，即使平賣單位，仍獲利甚豐。
撰文 : 蘭茜
欄名 : 樓市放大鏡