2020-03-13
經濟日報
有租樓多年的租客於現時疫市下入市，以790餘萬元購入一個葵涌3房單位，該租客終立定決心入市，皆因可造高成數按揭。
400萬睇到800萬
該租客已搵樓多年，物業樓價由400餘萬元睇到800萬元，未放寬首置按揭前，租客即使睇到合意單位，也不敢貿然決定入市，因為始終首期所限，入市受到掣肘，所以一直租樓住。
直至上月疫情持續擴散，賣方落價態度較明顯，二手市場再現筍盤，該租客伺機重回市場，物色筍盤，終睇到一個開價820萬元的高層3房戶，睇樓後亦合心水，並與業主傾價，曾還價780萬元，惟業主不肯，討價還價後，以790餘萬元達成交易，立下決定入市，全因放寬首置按揭，入市首期大減，樓價1,000萬元以下單位可承造最高8成或9成按揭，該租客購入單位低於800萬元，最高可造9成，計過自己的供款能力後，決定「去馬」
跌勢減慢 絕非逆轉
租樓和買樓都是各有所需，有人認為租樓等同替人供樓，既然如此，能力許可的話，不如自己買樓自己供。至於租樓一族，部分是不想做樓奴，要輕輕鬆鬆享受生活，還可以租住全新樓；部分租樓族因銀根緊，上市談何容易?簡直是妙想天開。
事實上，現時市場交投仍是以減價盤主導大市，不過較半個月前，業主的議價空間輕微收窄2至3%，但大市絕非逆轉向上，只是跌勢有減慢迹象。由於買家開始消化疫情的消息，亦肯出動睇樓，特別遇到筍盤更現戴口罩排隊睇樓情景，然而市場筍盤已不及早兩個星期筍價。
撰文 : 蘭茜
欄名 : 樓市放大鏡