2020-02-28
明報
【明報專訊】武漢肺炎襲港，唔少商戶都呻生意慘淡，分分鐘交租都有困難。本身係服裝品牌G2000老闆?實政圓桌立法會議員田北辰，噚日就呻生意大跌，「做緊舊年三成生意」，建議政府為願意減租?業主提供稅務優惠。工聯會麥美娟（Alice）就話，業主應該同大家共渡時艱，就算冇免稅額，「𠵱家時勢都應該減租啦」。
話G2000做緊舊年三成生意
田北辰噚日喺財委會會議上呻生意大跌，「我呢啲，做緊舊年三成生意，業主減一半租都唔掂」，佢話各行各業都惆悵緊交租點算，建議政府為願意減租?業主提供稅務優惠，等業主更有誘因減租。財政司長陳茂波對呢個建議似乎有啲愕然，佢回應時就話要研究吓會唔會畀人濫用，又話涉及修訂稅務條例，有可能遠水不能救近火，研究完再覆田北辰咁話。
麥美娟：有種就走出來話減租
隨後發言?Alice就話，喺𠵱家呢個時勢，業主應該同大家共渡時艱，就算冇免稅額都應該減租，「佢都唔爭在嗰少少免稅額，有種就走出來，撐市民、撐基層，減租我做！應該咁吖嘛」。