2019-12-13
經濟日報
近10年開放式廚房大行其道，納米新樓不在話下，現今新樓就連3房單位也未必有梗廚房，乃採用時下流行的開放式廚房。廚房出現變革，全因為刪減牆位增屋內視覺空間。
正正是開放式廚房普及化，有網民提出疑問：「開放式廚房煮飯會唔會好大油煙，搞到全屋都有油煙味?炒菜使唔使就住就住?」
中式烹調講鑊氣
1、2人小家庭工作忙碌，少在家開火鑽，所以不介意廚房是否開放式，而早年的開放式廚房亦不會預你日日煮飯，就算煮都係煮一些無油煙的飯餐，如煮即食麵等。時移勢易，現在單位呎數細，梗廚房打造成開放式，務求增加單位視覺空間。問題出現，中西式烹調有頗大差別，西式以焗烤為主，中式煎炒炸夠晒鑊氣，難免多油煙，還為令廚櫃周邊位置「黐𣲷𣲷」。
油煙多換空間大
另一位網民坦言：「自己個單位原先是梗廚房，不過因為家中多了小朋友，廳區太細，所以將梗廚房轉為開放式，屋內油煙多咗少少，但換來空間大咗好多，真係睇個人喜好。」難以共存。
亦有人認為識煮飯的人，一定會揀梗廚房，同時喜用明火爐煮食，所以睇樓時亦會將廚房列入甄選範疇。所以近年細單位若是梗廚房，亦變成賣點。
事實上，港人向來擅長靈活走位，其中一種方法是改變烹調方法，大可以採用蒸煲烚，甚至改用蒸焗爐，勢將大大減低油煙，也能煮到好多美味佳餚。
撰文 : 蘭茜