2019-09-13
經濟日報
踏入9月二手市場交投量回升，市況有起色與賣方大幅落價有關，買方見價位調節至自己能力範圍，亦圓置業夢。
有網民做足功課，積極物色上車單位，並檢視多個區，且暫時睇中4個盤，其中3個位處九龍區，第一個為九龍灣區，面積380平方呎2房，廳比較細，中層向西南，樓景，開價570萬元。
第二個長沙灣區，單幢樓，2房間隔，面積360平方呎，低層對正馬路景，好處是近地鐵站；第三個黃大仙區，350呎連全新裝修，1房間隔，廳區有9呎闊，高層享靚山景，10分鐘步行到地鐵站。
層數低升得慢跌得快
上述3個單位樓價全為600萬元以下，該網民打算承造最高8成按揭。作為首次置業，要睇餸食飯，依據自己經濟能力，惟選擇過程，當然要睇單位是否合自己心意。除銀碼之外，樓齡、景觀、層數、交通和配套都是準買家考慮的因素。
就以層數而言，有得揀盡量唔揀1至3樓極低層單位，其造價較其他層數低，往往升得慢跌得快；所以在自己能力範圍，買到中高層最好。正如上述網民提到第三個睇中單位，不乏有高層之選，再者又有山景，最緊要是新裝修，作為首次置業大可以省回一筆裝修費，裝修費動輒十多萬元，甚至幾十萬元，首期有限的置業初哥務必慳得幾多就幾多。惟美中不足之處，往地鐵站要步行10分鐘，相比其他兩個較遠，老實說，能由屋苑步行至港鐵站已算是交通方便，因為部分物業要坐一程接駁車出港鐵站，會受制於班次和繁忙時間與否，可能要花時間等車。你的買樓條件又如何?
撰文 : 蘭茜