2019-12-09
經濟日報
樓市去向未明，葉景強認為，用家現時更應該多出動睇樓做定功課，靜候機會入市。
葉景強表示，雖然現時市場不是太明朗，市場成交少，但用家更應該多出動睇樓，了解市場資訊。「因為現時地產代理才會有空閒時間招呼你，俾更多盤你睇，得閒湊你，相反在旺市時，代理寧願招呼更有經驗及實力的投資者，因為他們出手快，睇兩轉樓就會買，用家會較輸蝕。」
投資組合 7成屬物業
他指，一般來說用家睇樓都會睇3至7個月，故在現時淡市時應該多睇樓，例如鎖定某一區、屋苑甚至某一類單位，等合適機會入市，他預計在新年前樓價會慢慢回落，當3、4月經濟數據發布後，市場會籠罩負面情緒，當社會運動轉趨平靜後，後市便會反彈，「若然你在反彈周期開始時才睇樓，價錢都已經被其他買家搶高了，到那時才睇樓就已經遲了。」
葉景強自2004年開始便涉足樓市，現時整體投資組合中，物業大概佔7成，其他投資包括股票及債券等等，他指自己是喜歡長線持有物業的人，提供穩定的租金收入，現時未有減持的打算。