政府在去年推出「空置稅」，結果惹來地產發展商強烈批評，而相關?《二○一九年差餉（修訂）條例草案》委員會喺尋日終於開到第一個會議，但負責條例?運輸及房屋局局長陳帆竟然冇影，搞到畀議員鬧爆。
轟政府資料過時
有關條例草案係針對一手住宅物業，如果發展商持有?一手住宅未能喺獲發入伙紙一年內賣出、或以市值租金或以上租出超過六個月，就需要畀相關稅項，仲要按年徵收添。面對依家樓價高企，尋日條例草案委員會開會時，唔少議員都質疑條例能否有效壓抑樓價，其中議員陳克勤仲鬧爆話政府提供?資料已經過時，仲批評陳帆缺席會議添。
話說今屆立法會任期餘下約一個月，如果條例草案未完成審議就需要在下屆立法會重新提交。呢個委員會需要喺今個月完成討論，仲要喺下月三日前提交上內務委員會，所以地產及建造界議員石禮謙就講到明，條例草案具爭議性，自己或會提出廿幾項修正案，估計下月三日前都未必完成審議喇。唔知係咪咁，陳帆連出席會議都慳番呢？