2020-06-04
東方日報
房屋供應不足?問題持續已久，政府以往曾經提出，將收回九龍東三個寮屋區?私人土地，包括茶果嶺村、牛池灣村同埋竹園聯合村，拎嚟發展高密度公營房屋。有議員尋日就批評發展太慢，鬧爆政府係「佛系政府」，而發展局局長黃偉綸就死撐，唔單止話唔同意有關講法，仲話一早已經展開研究，政府已經相當進取喎。
九東六千三百伙 2025先動工
黃偉綸解釋，土木工程拓展署喺舊年已委聘顧問，就茶果嶺村進行規劃研究，亦喺今年初開始就另外兩個寮屋區進行規劃研究，初步估計落成後可提供約六千三百個公營房屋單位。佢又話預計喺下年內完成相關研究，有關工程預料在二○二五年開展。
議員柯創盛對黃?回應表示失望，大鬧「佛系政府」、「等到花兒也謝了」，又批評新界東北用地?房屋政策「講咗N咁多年」，希望政府公開承諾作為統籌人，縮短時間盡快發展。
點知黃唔同意柯?言論，話政府早已展開研究，聲稱二○二五年開始發展已是「相當進取?做法」，但仍需恪守一定程序。有關工程拖咗咁多年都未搞掂，政府仲話「相當進取」，真係唔知市民會點睇啦！