二手角力賽 看誰「手瓜硬」

疫情持續對樓市影響浮現，交投量急挫，各區二手減幅擴大，買賣雙方上演角力賽，看看誰人「手瓜硬」？ 新春假後二手睇樓量 少去年逾半 受新型冠狀病毒持續影響，市民睇樓意慾低迷，加上適逢農曆新年長假期因素，部分業主尚未返港，導致二手市場交投急挫。利嘉閣地產數據顯示，全港50個指標屋苑於1月27日至2月2日僅錄51宗買賣個案，較1月20至26日的92宗減少45%，創自去年8月底以來的23周新低（見圖）。 目前二手市場睇樓客大減，個別地區，個別屋苑最差試過零walk in（街客）、零phone in（電話查詢），可見冷清情況。除確診患者居住的屋苑睇樓量急跌外，絕大部分屋苑睇樓量亦大減，代理坦言現時睇樓客委實有限，睇樓量較去年新春假期後少逾5成。 所以即使業主盤不准睇樓，亦影響不大，因為根本客源不多，目前睇樓客通常參觀鎖匙盤。代理亦指過往部分鎖匙盤都會由業主開門，現在業主亦肯交出鎖匙予代理，由代理代勞帶客睇樓。 個別二手業主心態軟化，肯低價放售，務求提早套現離場，正如荃灣中心一個高層2房戶，實用面積329平方呎，以低於市價425萬元放售，前線代理指，業主於2011年以190餘萬元購入單位作長線收租，且一直租予同一個租客，即使以425萬元低價售出，該業主仍帳面獲利逾倍，甚為可觀，沽出單位後業主可伺機換貨，提升物業質素。 市場憧憬今次武漢肺炎如03年沙士一樣，樓價大跌，從而助準買家圓入市夢。當年太古城2房則王樓價200萬元以下已有交易。無可否認，疫情嚴重影響本港經濟發展，零售業、酒店業等各行各業帶來不同程度衝擊。但目前環境有別於2003年，沙士時樓市正經歷1997年下跌周期，香港經濟元氣大傷，業主持貨能力低，當時衍生不少銀主盤，資不抵債，最可悲是部分業主還要抬錢賣樓。 吼筍盤平貨 向購新樓業主埋手 時至今天，現在業主持貨能力強，且息口低企，利率低於2.5厘，故放盤單位普遍減價5至10%已能吸引買家，賣方不到價寧不賣，大幅減價的業主不多。 若是要吼筍盤平貨，可向購入新樓的二手業主埋手。理據有二，第一是二手業主趕退稅，購入新樓要1年內出售舊有單位；其次是從商業主等錢套現；不妨留意多新樓供應地區，如荃灣區，區內多個新盤入伙，個別業主出貨意慾較高，楊屋道多個屋苑買賣盤相當充裕，準買家可大膽還價，分分鐘執到平盤。 憑2003年沙士經驗，疫情可望夏天減退，所以未來兩個月經濟會受到一定影響。其實，倘樓價大幅落價3至5成，作為用家的準買家又敢唔敢入市？ 撰文 : 唐榮