【明報專訊】政府建議徵收一手樓空置稅，身為建制派?地產界立法會議員、經民聯石禮謙噚日喺now新聞台節目《時事全方位》向政府開火，同場?自由黨發展及建造業關注組召集人趙式浩質疑政府干預市場，石禮謙更指做法「衰過共產黨」。
稱原則上唔反對立法
石禮謙先話，一手樓空置稅係咪公道「見仁見智」，又質疑點解要特別抽發展商出嚟「歧視」納稅。佢繼續批評政府，「今時今日都唔知自己做緊咩」，有冇諗過係咪有責任幫市民買樓，定係更應該幫助排咗好耐公屋、住劏房?市民。
佢又話，政府提出?9000個空置單位數字係有水分，用嚟「嚇人」，想將市民?關注轉去地產商身上。不過，作為建制派?石禮謙之後補充番，話自己原則上唔反對立法，唔贊成囤積，只要係「好?稅項建議」佢都會接受，但要行得通同有理據先得。佢又話，政府空置單位最多，點解政府唔檢討下自己，又話如果要做空置稅，就「齊齊要做」。