2019-10-12
東方日報
特衰政府成日話「民生無小事」，又話「房事」係重中之重，問題係政府咁關心小市民?「房事」，卻沒有詩聖杜甫悲天憫人?胸襟：安得廣廈千萬間，大庇天下寒士俱歡顏！而係聲大大，冇貨賣。
講真，政府喺「房事」上，吹到天花亂墜，不過係「引西江之水，以濟涸轍之鮒」。喂，阿哥，一條乾枯於馬路車道上?鯽魚，眼見就來渴死，你唔係立刻畀斗升?水先救其命，而係廢噏要千里迢迢引西江之水來打救佢，你話幾咁涼薄諷刺？家陣廢柴政府喺房策上，就係同一個道理，二十年後許你一個五星級?家，不過，閣下已在廚廁合一?劏房屈到病，甚至屈到死啦！
各位街坊，如果政府真係執政為民，有心為市民改善「房事」，又點會造成今日公屋供應大落後，輪候公屋名冊愈積愈厚，平均輪候長達五點四年，可憐幾十萬劏房戶上樓遙遙無期。
呢，林鄭呢隻跛腳鴨都公開承認，話「現時?公屋輪候年期並不理想」，而運房局局長陳帆更曾爆響口指，公屋三年上樓?目標係「意識形態多於實務指標」喎。廢官廢人廢噏，果然係言不及義，群居終日，無所用心！咁就年薪幾百粒！香港養一大堆廢柴，基層「房事」點會有突破性改善啊！
嗱，家陣眼前民怨沸騰，社會撕裂，基層市民「房事」不協調，屈到病，都真係要出來行消消氣。有消息話政府終於知衰，將於施政報告研究分階段改建六幢一九八七年前興建?工廈為公營房屋。呢個不失為「近水救猛火」?權宜措施，亦不失為政府常掛嘴邊「多管齊下增公屋」實施?一小步。
嗱，本報記者日前曾到訪觀塘其中一幢工廈，但見十室九空，有啲單位更係重門深鎖。與其丟空養曱甴老鼠，不如盡快改建公屋喇。問題係，增加公營房屋，香港欠?並不止土地，而係有承擔?政府！大浪淘沙，幾起幾落，功夫茶同大家睇到?，都係一個口講重視市民「房事」?政府，一到埋牙就畏首畏尾，講到尾就係議而不決，決而不行，床頭驚鬼，床尾驚賊，這「房事」怎會有幸福可言！
都話人心隔肚皮，評價一個人，要睇?係佢有冇作為，而評價一個政府是否積極有為，睇佢對利民之事是否迎難而上！家陣工廈改公屋，又唔係叫你牙籤變大炮，竟要拖到二○二二年先展開，有冇搞錯啊！
喂，咪話功夫茶唔提醒，屈在斗室也會屈出火o架，你哋一味喺度策劃，說不定劏房?張三李四已經揭竿而起：房事革命，光復劏房！屆時先至知驚就太遲咯。