【記者馮淑環報道】保育及城市發展向來是一場角力戰，土地供應專責小組月底將公布粉嶺高爾夫球場的未來發展，各界關注高球場的去留。擔任古物諮詢委員會主席六年的林筱魯將於本年底卸任，他接受本報專訪時表明一直堅持「無嘢係唔使保育」的原則，但他相信即使高球場通過保育，亦不代表可以千秋萬世，「就算評定為一級（歷史建築），能否逃過建屋的命運仍屬未知之數？以往經驗唔係，最難的決策都需要政府決定」。
香港哥爾夫球會早前去信古諮會，要求將整個粉嶺高爾夫球場評為一級歷史建築，力阻球場改建房屋，古蹟辦正審視有關建議。
林筱魯指高球是英國人早期帶入香港的體育運動，粉嶺高球場一直維持至今，其歷史價值不具爭議，「你話唔打高球，價值係咪相對低？呢個好個人，等如由細到大冇入當舖，但唔等於當舖的價值唔喺度，坊間評議時應客觀討論」。
規劃師出身的他直言明白城市發展的壓力，「如果係房屋用地考慮，冇其他選擇可以即時供地，唔考慮歷史及生態價值，咁就唔係從歷史保育價值出發，咁樣都唔能夠話錯」。
宋皇臺站發現宋元文物最深刻
任職主席六年期間，林筱魯指印象最深刻的是港鐵沙中線土瓜灣站（現稱宋皇臺站）發現大批包括宋元古井的歷史文物，因涉及多個層面，而且極具複雜性，是本港首次在大型基建項目上發現大批文物。保育無可避免令工程延誤，「當時劃線指工程要滯後十一個月，之後任何延誤都唔應該拉上關係，因為唔想市民驚咗保育，覺得保育係阻住地球轉」。林筱魯卸任後他會花更多時間在鄉郊保育工作上，未來若再獲邀出任房屋、土地及文化相關公職時，他會樂意考慮。