【明報專訊】新一份《施政報告》提出「明日大嶼」填海大計，引嚟唔少反彈，社民連噚日亦上載短片反對，為咗吸引眼球，社記成員曾健成（阿牛）喺片中身穿海豚服飾，抱住海豚BB公仔(圖)，企喺海邊扮海豚叫；副主席周諾恆（Jaco）為短片旁白，質疑填海影響生態、成本高昂，而過往填海得嚟?土地好多都唔係畀基層，認為政府應優先善用現有土地，強調香港並非無地。
短片以「反填．海豚牛」為題，Jaco話，粉嶺高爾夫球場、新界農地、丁地同閒置軍事用地等土地加埋已經多過「明日大嶼」提出?1700公頃（人工島），質疑填海係咪必要。佢估計填海連埋基建最終成本起碼要7000億至8000億元，「而大家都知道香港?基建係一定會超支」，又批評政府當年喺西九龍填海，話要改善市區居住空間，但填出嚟?地其實「變晒豪宅、故宮（文化博物館）、環球貿易廣場，重建區街坊就丟晒去天水圍」。