2018-10-04
明報
【明報專訊】周星馳話過，做人冇夢想同鹹魚有乜分別，照咁講大部分香港人都唔係鹹魚，因為唔少香港人目標都好明確，就係置業。香港財務策劃師學會發表「港人財務目標及退休實踐度」調查結果，顯示港人首要財務目標仍然係置業，而受訪者中有四成人是沒有制訂財務目標，當中月入1.5萬元以下的，逾半沒有財務目標。
調查發現港人無論邊個年齡層或收入群都將首要財務目標定為置業，427名受訪者中，有129人，即27%以置業為第一目標，第二及第三項分別是退休準備及醫療開支。調查又發現，月入1.5萬元的較低收入群，有54%沒有財務目標，明顯較月入65,001元以上的較富裕群組欠缺理財方向，後者有多達73%受訪者有制訂財務目標。
不過小琴就覺得，以今時今日香港生活水平，月入1.5萬元扣除基本生活開支後，都冇乜「財」可以理，將佢哋同月入超過6.5萬元?人比較，似乎唔係太適合呀。