2019-01-26
明報
【明報專訊】有長實（1113）「樓神」之稱的執董趙國雄舊年底批今年樓價最多跌兩成，納米樓更跌三成。近期樓市似回暖，唔少更大開紅盤，趙國雄接受now訪問時透露，舊年底市區型樓盤開售前夕，有發展商高層曾致電問佢樓價是否真的會跌三成，佢就話樓價確實有下行趨勢，如果不調低售價或影響銷情，結果該盤確以市價折讓逾兩成開賣。
「200呎太細 不適合人住」
樓神無開名邊個盤，不過去年底開盤的市區樓兼紅盤只得一個，相信讀者都心裏有數。不過小琴就發現，樓神樓市下跌言論見報日子係舊年12月5日，而同日該盤先開價，唔通樓神一早向對方洩露玄機，定係紅盤發展商見到趙樓神都咁預測，就「拿拿臨」開低啲呢？
樓神另一惹網民關注言論，就要數佢話200餘方呎?單位太細，不適合人居住，相信不少租客會偏好租住面積較大?二手單位。唔少網民都攞返長實旗下項目嵐山曾創下劏盡全城?紀錄來比較，揣測樓神可能突然佛心來了。小琴猶記得2014年嵐山開則時，以最細165呎戶型細盡全城，亦帶起了發展商劏房之風，奠定了日後本港成為劏房之城?根基。未知是否長實近年鮮有開盤，趙國雄亦淡忘咗往日?「威水史」。