二手樓市繼續吹淡風，新界上車盤成沽貨目標，樓價再創新低。深井浪翠園兩房戶去年十月叫價四百九十八萬元，減約百分之九點六至四百五十萬元終獲承接，創該盤近一年做價新低。
河畔花園跌價一成七
晉誠地產胡卓輝稱，剛售出的一期四座低層Ｃ室，實用面積四百七十一方呎，望山景，成交呎價約九千五百五十四元。據了解，新買家睇樓已一年，見同類單位市值較去年高位五百七十三萬元已大幅回落，因而決定入市。
而去年旺市時，樓價癲升的沙田河畔花園，近期跌價情況明顯。進富地產鄭雄雯稱，該盤Ｃ座中層實用面積二百六十九方呎單位，曾叫價四百六十萬元，近日減至四百三十三萬元售出，呎價約一萬六千零九十七元。
資料顯示，同座較高層同室單位，去年七月以五百二十二萬元登記易手，是次跌價約一成七。該盤Ｆ座高層銀主盤，則於下周以四百零八萬元推出拍賣，開價兩個月減一成半。
嘉湖山莊做價彈7%
至於指標屋苑天水圍嘉湖山莊，樓價經過連月調整後，近期三房戶樓價已有支持。祥益謝利官稱，屋苑本月錄至少約廿宗買賣，不少為大單位，包括麗湖居五座高層Ｄ室，實用面積五百四十四方呎，去年九月叫價六百一十萬元，減至五百五十一萬元成交，呎價約一萬零一百二十九元，較上月同類做價升約百分之七。
另方面，中原文家輝亦稱，該盤賞湖居四座低層Ｄ室，實用面積五百五十一方呎，減廿萬元，以五百零八萬元沽出，呎價九千二百二十元。