2018-08-24
明報
【明報專訊】有屬於頭文字D一族的老友教我轉急彎，佢話只是收油偷位唔夠，一定要玩飄移，拉起手掣鎖死前轆，然後加大油轉軚，就可以轉急彎，仲示範畀我睇，不過我沒有跟着做，咁大年紀仲玩飄移，有乜依郁被人笑到面黃。
近兩日樓市風雲色變，突然間出現了不少減價盤，甚至減價都無人要，不少成交價都是比市價低了超過10%，如果報紙編輯夠膽，基本上可以用樓價一日下跌10%來做標題。不過，唔會有編輯夠膽，他們只夠膽報道樓價屢創新高，這是皆大歡喜的事，報道樓價下跌，得罪很多業主，尤其是在今年內買樓的業主；所以，在未來一段時間，在樓價沒有創新高的情况下，報紙將會較少報道樓市消息。
發表樓市意見三部曲 首要保持緘默
有年輕分析員想轉軚，但是他認為按正常三部曲，首先是保持緘默一段時間，不發表樓市升跌評論，然後話樓市橫行；待確認樓市下跌，就會撰寫文章話樓市牛市已死，牛去熊來，甚至話樓市有排跌。但現在這個情况，三部曲實在太慢，問我應該怎樣做。
老實說，現在轉軚就要學頭文字D，不過並不需要拉起手掣加大油，只要夠膽就可以。好似里昂早兩日發表報告話樓市會在一年內下跌15%，如果這份報告在早兩個月前發表，一定會被其他評論員、分析員插到暈，現在大多數評論員正在進行樓市三部曲之首部曲，就是保持緘默。所以，大家聽不到有評論員話里昂發癲，而事實上可以的話，他們亦想發表樓市牛去熊來。
不過，兩個月前，特首林鄭月娥發表「娥六招」之後，他們仍然話樓市下半年會有10%升幅，現在轉軚，有勇氣都唔夠，一定要夠膽；如果唔夠膽，不如學樓價指數負責人，報道兩個星期前發生的交易。
至於今日中原指數升定跌，我話一定跌，因為「老C」已經靜靜地轉了軚，佢話樓市在下半年會有輕微跌幅，但全年仍然是上升，今年上半年樓價上升了大約14%，現在話今年全年仍然上升是很安全；相反，如果今年全年樓價下跌就很大件事，但現在還未有人講，或者要屬於頭文字D一族的評論員才夠膽講。
紀惠集團行政總裁
[湯文亮 敢說亮話]