2018-07-13
經濟日報
若閣下有睇樓，有置業經驗，一定曾與地產代理交過手。原來一些生活細節，也可顯示地產代理是否具專業夠貼心服務。
有搵樓客遇到一個欠專業的資深地產代理，即使有筍盤介紹，該搵樓客也直言不敢恭維。話說，該搵樓客打算購入一個2房戶，目前市場盤缺，深知能睇單位不多，且不講求單位條件，本着有得睇就睇心態。參觀一個望商場低層單位，問及該單位不妥善地方時，該地產代理當然無直述，搵樓客反而告知地產代理，單位對面為商場，商場有時陣陣惡臭，該資深地產代理對有關提問採取迴避。追訪下該商場開設了不少食肆，揼油車會不定期去揼油渣，進行期間難免散發怪味。
單位短處 代理迴避
其後，再參觀另一個單位時，外望商廈，睇樓客提問商廈晚上會否亮光，初時該地產代理力指不會，及後單位業主坦言商廈晚上外圍會亮光，並閃下閃下至10時多。
換個角度，若上述資深地產代理能在睇樓客未提問前，已講出單位的強、弱之處，反而會提升她的專業服務。曾經有乙地產代理銷售一個低層向垃圾站單位，該單位雖質素差，但叫價絕非低於市價，乙地產代理帶客睇樓前，已事先與睇樓客講明單位望屋苑垃圾站，睇樓時還再補充資料，講出垃圾站的開放時間，還讓睇樓客開窗聞聞，是否嗅到垃圾味，最重要還提供解決方案予睇樓客，若然住客早出晚歸，或經常要出差，單位外圍環境影響輕微，然而最終都要取決睇樓客是否合價合意。
又或是鄰近學校的物業，地產代理可以給予提示，日間會不時有上、下課鈴聲，對輪更工作白天休息的住客或多或少會有點影響。
對物業陌生的睇樓客，參觀單位短短幾分鐘，睇到間隔和景觀，可能會忽略了一些細節，若地產代理多提點，可凸顯他們的專業。
撰文 : 蘭茜