【明報專訊】藝人劉德華為團結香港基金推出?影片擔任旁白，話東大嶼都會?大規模人工島方案喺眾多建議當中，係「比較可取」?一項，結果惹嚟網民批評。團結香港基金副總幹事黃元山噚日出席商台節目時被問到呢件事，佢話旁白講稿係由基金撰寫，華仔亦認同內容，至於華仔有無更改當中?字眼，佢就話唔知道喇。
敬佩有勇氣表達意見
黃元山話，劉德華有睇過團結香港基金?研究報告，都支持填海計劃，講稿就係由基金寫?，華仔都認同內容，又話「過程裏面有佢?feedback（回應）同input（意見）」。至於劉德華有冇改過講稿字眼，黃元山就笑住答「具體我真係唔知」。佢話自己敬佩劉德華有勇氣表達意見，「明知道唔同人有唔同意見」，「佢無必要去義務講呢番說話」。
同場?「反填海達人」、規劃署前助理署長伍華強話，自己好少上網、好少留意時事，到今日為止都未睇過條片。