2018-07-27
經濟日報
盤源有限，準買家能睇到的盤源委實有限，能揀的單位更少，一個準買家在某屋苑睇盤2次，睇第二個單位時「即睇即買」，把握機會擊退其他準買家，搵到安樂窩。
話說，該準買家與媽媽二人本身租住東九龍一個3房戶，隨租約期快屆滿，打算物色一個2房戶，東九龍指標屋苑樓齡超過20年，單位質素較殘舊，購入後動輒要花上50萬多元裝修，且又要多個月裝修時間，所以決意跨區置業，轉投較年輕屋苑，由九龍東搬入將軍澳，與哥哥能互相照應，首選將軍澳站。
速戰速決 免再失機會
將軍澳站多個屋苑，惟能睇盤的單位質素平平，一直未合心水；地產代理亦地氈式推介，接獲新放盤即通報，至遇上某屋苑一個高層單位時，有初步好感，心儀樓層高，景觀開揚，家人商量後打算再約代理，再睇樓多一次，豈料，翌日致電代理時，代理告知該準買家，單位剛沽出。該準買家心中想，難得有合眼緣單位，未傾價即被其他準買家購入。
此時，地產代理表示，該屋苑再有另一個單位剛放鎖匙，並相約黃昏睇樓，該準買家一行多人經過連日來睇樓，開始有些倦意，然而地產代理苦心安排，盡管再睇睇，並打算睇完這趟，就暫停睇樓。
該準買家本來是第二枱客睇，但因為早到，故變成第一枱客參觀單位，甫入屋，單位的內籠、裝修、樓層和觀景已大大吸引該準買家及其家人，原來單位的條件和質素較之前錯失的單位好，最重要一點，價錢被之前單位平10多萬元，該準買家即場與賣方傾價，並要求推掉第二枱客睇樓，買賣雙方一見如故，極速達成買賣協議。
無心插柳柳成蔭下，能遇上心水單位即作出行動，原來該準買家睇樓時帶備支票，做定準備工夫，與賣方傾價時以表誠意，即時繳付訂金。若翌日才繳付訂金，分分鐘存在變數。
撰文 : 蘭茜