2018-07-27
東方日報
香港精神就係冇精神，香港效率就係冇效率。咁講一啲都冇誇張，而係事實擺在眼前，就講房屋署為居民更換設計有問題?鐵閘同門鎖吖，竟然好似食咗成擔豬油糕咁，漏漏氣氣拖足三、四年都未搞掂，結果搞到唔少長者屋被賊匪連環爆格，房署咁樣嚟靠害啲阿公阿婆，仲有冇離譜啲呀？
呢，警方日前就喺深水埗拉咗個入屋爆竊?賊人，呢個賊都食得禾米多囉，專揀冇人喺屋企?公屋獨居長者單位埋手，而且連爆竊工具都慳番，先起腳踢爛鐵閘鐵枝，再伸隻手入鐵閘內扭開閘鎖，踢開木門，唔使用劍?，簡單三招就已經K.O.房署嗰啲流到唔恨?鐵閘同門鎖啦，白田邨同富昌邨有十幾戶中招，損失超過幾十萬元財物。過程既簡單又方便，都係多得房署閉門造車，亂咁採購鐵閘同門鎖，更換仲要歎慢板咋，如果唔係爆格邊有咁容易？
話時話，公屋鐵閘設計問題多多，造成潛在?爆竊風險，大大話話都講咗十幾年，連警方都忍唔住建議房署換閘，防止爆竊案發生。有立法會議員就質疑，鐵閘問題係房署採購同驗收程序有錯漏，房署應該自己補番隻鑊。不過房署秉承特區政府?官僚作風，卸得就卸，卸唔到就拖，結果咪搞到班阿公阿婆淪為賊匪?提款機囉。
大家有眼見，房署根本懶理居民面對?治安風險，當年面對住戶同議員排山倒海?投訴，首先係諗計卸膊，話公屋有廿四小時保安，又話每幢樓入口有密碼鎖保安閘，單位鐵閘唔係法例規定裝置，只係為住戶提供額外屏障?啫。噴一大輪口水，無非想將鐵閘隻鑊推番畀居民，後尾見死撐收唔到科，於是諗出為鐵閘加裝鐵片?屎橋，點知又係畀賊人一腳踢爛。房署最終敵唔過群情洶湧，三年前至死死地氣為逾十七萬戶居民更換鐵閘之嘛。
不過房署出名手腳慢，旨意佢哋做嘢喎，唔止蚊都瞓、蛇都死，到頭來仲一肚氣添。就講之前更換有超過五十年歷史、俗稱「三支香」?公屋插筒式晾衫架吖，花咗成五億元，結果新晾衫架淨係掛得四件衫咁大把，個位仲要開正喺廚房窗外食正油煙味，負責主理?官員真係好應該獲得達爾文獎，表揚佢哋展現出驚人?判斷誤差呀。其他諸如對公屋鉛水監管不力、對鼠患問題闊佬懶理等，總之就係令居民苦不堪言啦。
都係嗰句喇，港產官僚出名冇神經、冇靈魂，對市民冇心冇肺，房署亦唔例外，連換道閘都慢過烏龜，究竟係有心服務市民，定係得把口講，答案好明顯啦。