2017-03-25
東方日報
古人話︰蜀道難，難於上青天。對於香港人嚟講，呢句應該改為「置業難，難於上青天」。只要睇吓最近一期居屋問題多多，絕對稱唔上筍盤，點知一樣爭崩頭，排隊攞表格?人龍打晒蛇餅，就知香港人為咗上樓已經去到「唔理好醜，但求就手」?地步喇！
唔係誇張o架！以今期二千幾個單位當中最受歡迎?彩虹彩興苑為例，唔單止毗鄰公路，有噪音問題，業主仲要負責行人接駁天橋?管理同保養費用。至於喺大嶼山梅窩以及銀礦灣?屋苑，一個附近有擋土牆，維修費日後又係要業主負責；另一個直頭靠近山坡，業主隨時要出錢清理山泥傾瀉?泥石添。
好多人都話家陣居屋質素愈嚟愈差，唔好得過公屋幾多，升降機等基本設施不足有之，廁所細到肥少少都轉唔到身有之，室內裝修簡陋形同清水房有之，既然係咁，點解市民仲要跪地餼豬乸？不妨聽吓一位申請者心聲。呢位太太同三十歲?仔同住青衣居屋，囝囝因為上唔到樓一直無法拉埋天窗，所以諗住抽中梅窩都照殺，寧願到時同個仔交換住，疊埋心水入離島過退休生活。
冇計喇，有頭髮冇人想做瘌痢，香港樓價高處未算高，早就脫離一般市民負擔能力，呢嗱，話口未完，本港樓價指數連續五周破頂，又創歷史新高，唔怪得買樓「有買貴冇買錯」?傳統智慧大行其道喇。
講起香港無殼蝸牛?苦況，真係喊得一句句。輪公屋咩，條龍仲長過萬里長城，等得嚟黑頭人都變白頭人；租私樓又要捱貴租，再唔係焗住豬欄雞棚改建?劏房，特別係一班後生仔女，除非咁好彩有父母幫手上樓，否則一出糧人工奉獻一大截做租金，變相幫人供樓，想儲錢買樓發夢冇咁早。
最離譜?係，對於市民上樓難問題，官老爺束手無策，佢哋口口聲聲房屋問題係「重中之重」，又話要「寸土必爭」，講就天下無敵，做就無能為力。新鮮滾熱辣例子，北角一個遊樂場計劃興建提供二百幾個單位?牙籤樓居屋，結果遭到強烈反對，分分鐘又係煲無米粥。高官拓土建屋無方，最叻就係出口術，三日唔埋兩日警告市民樓市存在風險，大家入市要量力而為。市民如果聽佢哋老點，置業夢想分分鐘愈來愈遙遠，你話唔o架就假。
始終都係嗰句，冇安居就冇樂業，冇樂業社會就唔會安寧。特別係年輕人，連個竇口都冇，又點會唔躁動激進？有人話新特首要有「女媧補天」?能力，計功夫茶話齋，香港人最需要?係另一個神話人物「有巢氏」就真！