【明報專訊】里昂一年一度的風水指數，一向重視噱頭，今年重頭戲當然係特首選舉，除咗選舉，買樓話題港人都好關心。先不論價錢，揀邊度都好頭痕，報告就建議今年買樓要買北面，因為西邊太歲坐鎮、東邊正對太歲是歲破，南邊逢五黃，正西東南方向全部都是「凶」，只有北邊是財源滾滾。
港島機場西貢「魔爪纏身」
該行又話，北邊?沙田和粉嶺是最佳買樓地段，九龍都唔錯，東北方和西北方也都唔錯。位於正南、正西同正東的港島、機場和西貢都是（雞年）「魔爪纏身」，就最好唔好喇。咦，港島新盤都唔少喎，咁樣講會唔會倒咗啲發展商米？里昂仲話即使人民幣進一步下跌，「北京?表親都會身穿華服、帶住成噸現金前來」。咁係咪即係講緊北水？前兩年里昂風水指數預測恒指似乎唔多準確，里昂就好坦然話，2016年的上半年都預測得好準確，而且風水都不是一成不變，只為博君一笑，唔好當真。
[小琴密語]