2017-03-22
明報
【明報專訊】好多香港人尤其年輕人都愁樓價貴上唔到車，嘉華國際（0173）主席呂志和噚日喺業績發布會後畀記者行家問到，如果一家兩口子連細路，上車盤入場費起碼要幾多？佢就話，3個人安居樂業起碼要400至500平方呎先夠，價格應係500萬元以下至適合…咦！呂生雙腳會唔會有少少離地？
呂志和話，𠵱家首期可以畀一成，上會供30年，如果家庭收入有4、5萬蚊，大家儲5個月左右好快就上得車啦！不過聽講在場記者人工個個都無4、5萬蚊，場內頓時添上少少火藥味，個別行家好激動反駁佢話，𠵱家分分鐘要800萬先買到400、500百呎樓咁話，上會都要80萬啦！不過佢笑笑口話，𠵱家點都好過以前，起碼可以做30年按揭，佢更慨嘆以前畀佢，根本無諗過上車。
無他?，以前買樓要全現金，又無分層，唔係大富大貴，根本唔使買樓。
[小琴密語]