2017-03-15
東方日報
啟德住宅地估每呎破2萬蚊？！中資財團癲價搶地，唔少人話佢哋推高樓價，但大家成日話樓價貴，睇得最勇?……原來亦係大家。
7成人估啟德地再新高
話說，啟德第1L區2號地盤住宅地嚟緊就開標，有代理行就搞咗個競猜活動，結果估你唔到，有超過七成人估嗰塊啟德地皮樓面呎價超過1.36萬元，甚至估高過2萬元，即係預咗呎價又創東九龍新高？！
今次地王競猜活動由香港置業喺facebook搞，尋日上晝截止，615人投咗票，438人估計樓面呎價逾1.36萬至2萬元，佔比71.2%最多。另有10名投票者估呎價高過2萬元，佔投票人數約1.6%。換言之近73%人估今次幅地?呎價勢再創東九龍新高。
絲絲睇完個結果真係要對樓市重新認識，原來大家對後市取態，仲勇過中資財團同一眾本港發展商。
地皮未知會否破紀錄，但絲絲同大家溫故知新。啟德發展區至今批咗10幅住宅地，樓面呎價最貴3幅由海航系公司包辦，呎價介乎1.3萬至1.36萬元，暫時係東九龍呎價最高地皮。
余絲韻