【明報專訊】置業係好多港人面對?難題，保險界立法會議員陳健波（波哥）就「撈過界」，上載短片，幫大家計吓月入幾多錢先上到車買樓。短片提到「香港地買樓，十個有九個賺，主要係通脹原因同供應不足所致」，但𠵱家400萬元或以下?樓先會做到九成按揭，假設分30年供，月供就要13,000多元。
籲注意壓力測試加息風險
短片提醒，銀行做九成按揭?條件，係月供金額唔超過月入45%，即係月入3萬幾蚊先會供得起；加上壓力測試（按按揭利率加3厘，即5.15厘），最終月入要超過3.5萬元，銀行先會借錢畀你，但一旦加息，條數就更大，「香港究竟有幾多人月入過呢個數呢」。仲有喎，除咗首期，律師費、印花稅同代理佣金等都要花20 萬元，仲未計裝修開支， 所以買樓真係唔容易。
波哥仲透露，佢1980年代買入荃灣中心一個400呎?第一個單位，之後每3至4年換一次樓，但今時不同往日，現時係咪買樓好時機呢？短片就建議大家視乎自己情况，供得起又有住屋需要先好買，可以先住細樓，再努力儲錢，將來樓價跌就有機會換大啲。波哥話，之後幾集，就會講吓買樓基本功。
官員加薪本周闖關 籲議員勿拉布
另外，政府將會繞過政制事務委員會，本周五喺財委會闖關申請撥款，為下屆問責政府官員加薪。
身兼財委會主席?波哥同Emily講，希望議員到時理性啲，「冤有頭債有主」，如果反對議案就喺會議相關環節質詢政府，唔好提前喺幼稚園啟動津貼撥款項目就拉布。