今年按揭市場爭到頭崩額裂，聽講滙豐銀行同中國銀行香港(02388)前線人員氣氛都劍拔弩張，以前落新盤都會打個招呼，今年第四季連招呼都唔打，仲睥實對家以防搶客，實行「眼神制敵」！
滙豐六月起反超前中銀香港拎咗按揭市場一哥個位之後，兩間行?競爭氣氛即時白熱化。第四季起，其中一間銀行條按揭Team更加講明每個同事都要幫客砌文件，砌到夜晚十一點先有得收工！
減息同服務都鬥餐死之外，聽講兩間行前線都好有火花。以前落新盤，大家都客客氣氣，各自包場宴客，見到面就Say個Hi；近呢幾個月搶生意壓力大，前線人員見到另一間行職員，連招呼都唔打，仲要望實對方，用眼神警告「唔好搶客」！即使政府加辣，甚至依家已經跑緊下年條數，緊張?氣氛都冇鬆過。
一哥寶座 獅王大熱
其實仲有幾日就知全年按揭一哥寶座鹿死誰手。睇番頭十一個月，滙豐領先中銀香港843宗，又真係幾難追，銀行界一般都相信今年滙豐奪魁呼聲最高，而下年中銀香港一定想坐番個龍頭位，所以惡鬥現象一定會繼續。
不過，亦都有銀行家話，前線互睥其實無乜必要，下年拎完花紅，隨時都係要轉過隔籬大行，到時又有偈傾！
余絲韻