2017-06-05
東方日報
香港競爭力每況愈下早就唔係新聞，但可能爛船仍有三斤釘啩，瑞士洛桑國際管理學院今年再次將全球最有競爭力地區?桂冠送畀香港，都咪話唔受寵若驚。不過咪開心得太早，事關連洋人都睇到香港樓價高昂，生活成本貴絕全球，再咁落去，爛船隨時變沉船?咋。
呢，本港最新私人住宅售價指數按月上升百分之二點一，已經連升十三個月，連帶今年首四個月租金亦上升百分之二點五，雙雙創下歷史新高，都咪話唔嚇人，亦印證咗世界競爭力報告所指，香港喺經濟表現「價格」一項?評分令人失望。梗係啦，香港住宅寫字樓租金高昂，生活成本指數喺全球六十三個地區之中排行尾二，僅僅好過以瘋狂通脹見稱?委內瑞拉，簡直羞家。
講真，香港樓價租金之高，已經去到脫離現實?地步，一個七百呎?新盤，叫價差不多二千萬元，除非有個富爸爸，否則一般打工仔諗都唔使諗。仲有喎，香港唔止不宜居，仲愈來愈不宜商，連屹立幾十年?老店都敵唔過天價租金而一間接住一間黯然結業，其他想創業?人士大多係夢碎收場?咋。近年唔少國際大企業都因為香港租金過高而卻步，紛紛將亞洲總部移師內地一線城市，肥水流向別人田咯喎，香港有乜法子唔愈做愈縮吖。
港府都知衰嘞，財政司司長陳茂波尋日又充當鍵盤戰士，承認租金成本高昂係經濟發展最大?不利因素，弊在講嚟講去嗰三幅被，一味話會增加土地供應，紓緩物業市場供求失衡?情況喎，都係廢話嚟?啫。唔係咩，現屆政府由朝到晚將「重中之重」掛喺嘴邊，結果唔止拓土建屋寸步難行，樓價仲愈升愈癲，無計可施之下，惟有求其「加辣」了事。正如「東方報業民意調查」?受訪者話齋，樓市嚴重扭曲，供求嚴重失衡，辣招只係適得其反，安居樂業愈來愈渺茫咯喎，民怨愈演愈烈就係咁解。
最諷刺係，呢頭港府呻地從何來呻到樹葉落，嗰頭坐視大量土地閒置養蚊。難為港產官僚仲自我感覺良好，下巴輕輕話收回棕地發展「別無他想」，仲話要研究開發郊野公園邊陲地帶建屋添。不過受訪者就一面倒睇死高官講就天下無敵，做就無能為力，仲批死當局無力處理房屋問題，遲早變成政治問題，呢啲咪叫呃到自己呃唔到人囉。
無計喇，樓市問題已經成為香港?「死症」，夕陽政府時日無多，拍拍屁股就關人個關。家陣冇嘢望，係望下屆政府真係做到嘢，新特首係咪「女媧補天」，係咪「好打得」，大家(目及)實喇。