2016-11-22
明報
【明報專訊】最近車位熱賣，有新晉投資者買了幾個車位之後問我：「現在點解唔投資車位？」他記得我們以前投資車位做到有多少名堂，點解唔繼續買賣車位，把握唔到今次升浪，可謂失策。我話講投資，各人有各人心水，雖然我們退出車位投資市場，但並沒有撤出物業市場，我們專注在舖位及甲級寫字樓，收穫仍然不俗，但所費心機比投資車位輕鬆得多，我又唔係一個有大志的人，投資方面，唔想太過費心，有合理回報就可以。
車位放租不易 還要交差餉管理費
我問那名年輕朋友一個問題：「知不知道什麼類型物業最難收租？」佢話唔知。不過，我亦沒有立刻講出答案，因為在幾個月之後，他自然會知道，今日所買的車位，幾個月後仍然租唔出，或者是斷斷續續租出，為了幾個車位的租務，實在用了太多時間。他亦曾經嘗試過將車位交到物業代理行出租，倘若不是受到冷淡對待，就是被敷衍了事，凡事要親力親為，好彩當時買車位是全數支付，唔需要供款，否則就喊都無謂。不過，仍然要交差餉、管理費，每個月費用就當多飲一餐茶就算數，沒有什麼大不了的事。
純為賺升值 非成功投資
我並不是叫人唔好買車位，自用當然沒有問題，但用作投資，開始時唔好買咁多，兩三個就可以，如果可以應付得來，當然可以繼續買。如果覺得很麻煩、很困身，就應該停止再買；如果認為就算租唔出都無所謂，車位升值，他日賣走時一樣是賺錢；我認為千祈唔好有這種想法，投資物業，一定要有雙重收益，包括租金及物業升值，否則，就算有錢賺，都唔算是一個成功投資項目。
紀惠集團行政總裁
[湯文亮 敢說亮話]