2026-09-14
明報
【明報專訊】星期六早上去到茶餐廳，聽到有客人話物業投資者都唔團結，上星期C粉墨登場開記者會，要求政府放寬對舖位借錢態度，但係只得一兩個投資者，其他都是物業代理，唔通真係皇帝唔急太監急。
老闆話，開記者會高調要求政府幫手是有反效果，甚至令到政府本來打算幫手最後都唔敢，因為樓市始終會反彈，到時一定會有人走出嚟話政府幫炒家，現在住宅樓已經有這個情况，樓價已經從低位反彈20%，已經有人，尤其是賣了樓的人話政府唔應該「撤辣」，令到業主可以翻生。所以，政府亦很難做，現在樓市調整已經去到尾聲，只要銀行稍為鬆手，唔係借錢畀投資者，只要唔追得咁緊，大部分投資者都可以渡過難關，身家當然是少了一大截，不過，最緊要是仍然生存。
老實說，銀行借錢畀人買樓，其實是幫了自己追到差額，假設現在有一個值1億元的物業，業主借了八成，按法例最多可以借六成，銀行追2000萬元差額一定好辛苦，假定有買家願意出1億元買入該物業，新做按揭最多借五成，換句話說，新買家替業主付了被銀行追的差額，結果是銀行完成任務，原業主又唔使被銀行追到氣咳，新買家又可以買到心頭好。所以，銀行借錢畀人買樓，可以做到一個三贏的結局。
紀惠集團行政總裁
[湯文亮 茶餐廳手記]