2026-08-27
明報
【明報專訊】星期三早上去到茶餐廳，聽到有客人講，在馬來西亞搵食的前TVB藝員阿燦廖偉雄，對於傳聞話佢身家有1億元，佢話唔止，他有兩個「憶」，一個是回憶，一個是失憶。有人話佢幽默過魯迅，魯迅話後園有兩株樹，一株是棗樹，另外一株也是棗樹，並沒有話一棵是紅棗，另外一棵是黑棗。
老闆話，阿燦的確幽默，不過，他仍然是只得一憶，因為兩憶是不能共存，如果他失憶，就唔能夠會有回憶，如果他能夠回憶，代表他沒有失憶，兩憶是不能並存，回憶好過失憶。
在今次樓市急跌之後，估計有不少物業投資者要離場，日後，當他們懷緬過去，講返當年投資物業的威水史，如果以回憶心態，好似辛棄疾話，想當年，金戈鐵馬，氣吞萬里如虎，咁都唔係太差，不過是時運不濟，命途多舛，有機會他們仍然可以重出江湖。
如果投資者以失憶態度面對，代表他已經放棄，就算是昔日的威水史，連提都唔想提，就算有人問到都唔想講，咁樣就很難再次投入物業市場。不過，據我了解，這類人不多，甚至沒有，因為做得資深投資者，都已經見慣風浪，今次樓市的浪雖然很大，但仍未至於要投資者沒頂。
紀惠集團行政總裁
[湯文亮 茶餐廳手記]