2026-05-28
明報
【明報專訊】政府2018年提出過渡房屋政策，不同機構推出短期租住項目，部分項目年期即將屆滿。九龍建業之前捐出100個翻新單位畀九龍樂善堂做過渡房，兩年租約期原定今年陸續到期，兩機構噚日公布延長租約兩年半，畀住戶輪候公屋期間繼續入住。
九建之前響應政府，以象徵式租金租出100個翻新單位畀樂善堂，成為過渡房屋「樂屋」項目，單位分佈港九市區，大部分鄰近港鐵站及巴士站。九建話，如果按市值租金，所提供單位每年租值逾1000萬元。呢批單位過去兩年為近105個家庭約380人提供過渡居所，對象係輪候公屋家庭及基層戶。
九建與樂善堂代表近日探訪租戶，送上福袋並宣布延長租約?好消息。住戶高女士話，之前住?劏房只放得落一張睡牀，𠵱家有獨立廚房，可以為兒子準備更有營養?食物，客廳亦有空間擺書枱，方便兒子溫習，話兒子?體魄同成績都有明顯進步。另一住戶吳小姐同媽媽及妹妹住喺一個實用面積約400平方呎?「樂居」單位，入住前一家擠喺荃灣一個小劏房，話𠵱家居住環境改善，一家人相處關係都好咗。