2026-05-27
明報
【明報專訊】新一期簡約公屋下星期二（6月2日）起接受申請，總共11,330個單位分佈喺啟德世運道（第二期）、屯門欣寶路、屯門青發街及馬鞍山恆光街項目，預計喺今年第三季同第四季陸續入伙，月租900至2990元，視乎單位大細同地區而定。
6．2起收申請
房屋局話單位數目最多係啟德，有4580個，其餘依次係屯門青發街（3040個）、屯門欣寶路（2850個）、馬鞍山（860個），其中啟德租金亦最貴，約14平方米?一至二人單位月租1310元，同面積?細單位喺馬鞍山同屯門月租分別1130及900元；約32平方米?四至五人單位，啟德同馬鞍山月租分別2990及2650元，屯門欣寶路就2010元，而青發街係無大單位?。啟德項目大單位有920個。
輪候緊傳統公屋?合資格人士喺6月2至23日交表可獲優先處理，之後仍會接受申請。輪候傳統公屋3年或以上?亦係優先。