2026-05-27
東方日報
悲劇半年 2廈次輪上樓最後一天
大埔宏福苑去年11月26日發生5級火，昨日剛好是悲劇半年，亦是宏建閣和宏昌閣居民第二次返回單位執拾物品的最後一天。居於宏建閣的關太昨晨8時許抵達準備上樓再執拾，她對政府的收購方案不滿，指︰「業主大會又唔開，如果我哋選擇咗收購業權，咁我哋係咪冇得返轉頭呢，唔知喎！」她稱買任何東西都要先看，若有錢買樓亦要看銷售說明書及看單位方向，另外亦要看自己有沒有能力去買，「但我哋依家睇到舊錢後，冇能力再買，咁你話叫我哋點呀！」
認識好多街坊 想原址重建
對於8月底前要表態回覆是否接受政府收購業權，關太直斥「嗰個根本就係死期，唔到你去諗呀！係逼你係要去咁做。」她又指「我住咗二百幾年（一家五口）」，藉此諷刺政務司副司長卓永興早前提出的「每戶4人同時上樓等於有12小時」的說法，認識很多街坊，「大部分識?人，都話希望原址重建。一個單位畀番一個單位我哋，唔要多。」她表示不想再辛苦。她又稱，聽證會有提到釀成這場災難有人為因素，「係部門唔理嘢，累成我哋咁樣！」現在方案「補番舊錢我哋，我哋唔知買到乜嘢，其實喺冇嘢買到，可能買番半間屋，咁點解買番半間屋呢。」
她又稱，她原本有一間屋住，另有一間屋收租，可以退休。現在就算補錢給她，「好似好恩恤我哋，畀番個綠表資格我哋，但依家買唔番，又要做按揭，我做唔做按揭？幾廿歲無人肯借錢畀我啦。」又指她原本的兩間屋已「補晒地價」，現在又要再補地價才可以收租或出售。「係咪對我哋好唔公平？好慘！無咗將來收入，我唔知幾時先可以退休。我原先辛辛苦苦幾十年，安排自己將來?嘢，依家又要再諗兩間屋每間要借二百萬！」
櫃打開晒拒報警 覺得冇用
另外，她提到上次上樓執拾時發現單位的櫃「打開晒」，至於有沒有報警，她表示「冇㗎，報都冇用，點會同你搵得番啲嘢，我仔發覺唔見銀包，放枱面，冇咗，唔知係咪上次搵漏，今次再摷吓。」今次上樓她同時想搬走大型電器，如買了不足一年的雪櫃及電視機，「要我揼晒啲嘢，好唔環保啫。」