2026-05-22
明報
【明報專訊】立法會噚日通過由新界北議員姚銘提出?「提高北部都會區人均居住面積，構建宜居『幸福北都』」無約束力議員議案。佢最後就其他議員?修正案發言時，提到第一關要將北都經驗擴展至全港，探索增加人均居住面積。發展局長甯漢豪總結發言，無確實話會唔會為北都住宅單位設面積下限，但就話議員提出政府要善用契機改善居住面積等方向，同政府「非常一致」。
甯漢豪：方向與政府一致
議案分開兩日討論，姚銘前日開場發言時形容北都帶嚟幾十年難得一見?機遇，因為北都有3000多公頃新發展土地，從規劃源頭上已具備落實較高居住標準?條件，但佢認為住大啲都未必夠，亦都要生活好啲，唔可以再好似過往?新市鎮咁，出現住宅先行、配套滯後?問題。
噚日凌晨新界北因暴雨多處水浸，立法會噚日再討論議案時，民建聯何俊賢趁機話要提升北都「幸福感」，政府唔應該只係建設新區，同時要解決舊區問題，例如水浸，促請政府做好北都基建，做到疏導洪水、處理氣候變化引致?問題。