【Emily】建議公屋人均10平方米 姚銘倡北都「住大啲」吸引市民

【明報專訊】房委會現時公屋編配標準為每人不小於7平方米。民建聯新界北立法會議員姚銘噚日喺傳媒茶叙時話，未來公營房屋供應充足，公屋輪候時間減少，有信心喺北都實現「住大啲」願景，建議北都公屋人均居住面積由不小於7平方米提升至不小於10平方米，以吸引市民入住北都。 姚銘會喺本周三提出「提高北部都會區人均居住面積，構建宜居幸福北都」議案，希望以先行先試方式放寬北都公屋人均編配標準。佢話，政府喺《香港2030+》報告以單位平均面積增加10%至20%作假設，估算香港未來土地需求，佢強調議案只係要求政府落實早前?願景。 至於北都發展，姚銘相信當中大學城能最快落地，提議政府透過提供更大面積、資金等方式鼓勵本地大學搬遷校舍到北都，刺激人流往來，從而帶動外界投資信心，「係咪可以將我哋某啲黃金大學地塊釋放出嚟，成間學校搬入去北都呢？呢個係最快?選擇。你𠵱家要招啲學校入嚟，都唔知要等到咩時候」。佢又倡議政府部門或公營機構進駐北都，吸引相應企業到北都發展。