2026-05-14
明報
【明報專訊】星期三早上去到茶餐廳，大家話題並不是國家主席習近平與美國總統特朗普的茶話會。在內地做過工作的人就知道，可以說是非正式會議，習主席與特朗普的見面時間已經不多，仲要食晚飯、午餐，飲早茶，去天壇，開會的時間唔知有無兩個鐘，估計會議大局已定，雙方傾閒偈，走過流程向兩國人民交代，唔係又係乜茶話會。
有客人話有個物業投資女企業家燒炭身亡，究竟是什麼原因？真係一言難盡，現在出現財困的物業投資者，很多人以為他們信譽唔好，被銀行call loan。如果信譽唔好，銀行又點會借錢畀他們投資物業，就算借，最多只借四成，點都唔會出現問題。其實，現在出現財困的物業投資者，全部的信譽都非常良好。
信譽好本來是優勢，信譽太好反而變成劣勢，信譽非常好的投資者申請按揭貸款，基本上唔會唔批，銀行除了物業的價值，還相信投資者的眼光及實力。投資者借錢容易，就容易做錯，最後鑄成大錯。當樓市下跌，信譽愈好的投資者，如果借錢太多，槓桿比重太高，就愈容易財困，希望這些不幸事件不再發生。
紀惠集團行政總裁
[湯文亮 茶餐廳手記]