2026-04-29
東方日報
【本報訊】政府昨日宣布，在6月30日或之前，若最少有75%宏福苑宏志閣業主，確認將業權賣給政府，當局會將其餘7幢大樓的收購方案，一併開放予宏志閣業主。宏志閣居民黃小姐直言，「一早諗到佢（政府）會咁樣做，講就『法理情』，但係根本就冇『情』」。她表示，有不少居民希望原址重建，惟政府並未提供有關方案。她期望，政府可以真正了解民意，尊重居民的選擇。
黃小姐表示，自政府昨公布消息後，宏志閣的業主都在群組內不停發送訊息，質疑政府約77%業主初步希望出售業權的數據從何得來，「點達到咁多？」對於政府稱，有安排社工向宏志閣居民收集意向，黃小姐表示，的確有社工向居民收集意見，但她自己就「收唔到，幾個街坊都收唔到」，質疑政府公布的數據並不透明。
此外，政府公布，宏志閣居民可於下月13至17日分批上樓執拾，每戶最多4人，最長可逗留3小時，並可乘搭升降機多次上落。對於政府的安排，黃小姐直言「唔ok」，憶述去年12月政府僅安排1.5小時供居民上樓執拾，「我淨係清晒雪櫃啲嘢都差唔多夠鐘，媽媽就淨係執咗啲貴重嘢，同埋幾件冬天衫，夏天衫冇執，因為佢成日覺得好快可以返去。」她又指，宏志閣未受大火波及，不解為何上樓收拾仍需佩戴安全帽。
長者嘆「臨老過唔到世」
黃小姐與父母在宏志閣居住多年，自大火後暫租住同區的其他居屋單位，坦言對大埔區有感情，「宏福苑環境好又方便，有好多回憶……依家媽媽成日都話『後生買咗層樓，依家臨老過唔到世』。」她續指，連日來不少宏福苑居民上樓收拾後，都希望繼續住在宏福苑，她哽咽表示，「希望佢哋（政府）了解吓民意，人哋點解想返去住」。