2026-04-02
明報
【明報專訊】星期三早上去到茶餐廳，有一個客人請大家食早餐，他本來租緊樓住，大約一年前，他的業主被銀行call loan，迫不得已唯有賣走客人租用的單位，那名業主亦是行內人，知道如果賣畀其他人，一定會畀買家鋤價，於是問茶餐廳客人有無興趣，可以低市價一成賣畀佢。客人原本無打算買，不過，就問吓大家的意見。
老闆集合大家的意見之後，如果可以低市價一成，而客人又負擔得起的話，一定要買，如果唔買，業主一定會賣畀其他人，新買家自用的話，客人就要搬走。如果客人買落嚟，除了低市價一成之外，又不用畀代理佣金，而且不用擔心被人逼遷。不過，客人有一個概念，買樓只會降低他的生活質素，到最後，在不情不願之下買了自己租用的單位。
老闆話唔明白，如果要請食早餐，應該幾個月前就要請，點解要等到現在，客人話最近將那個單位賣走，賺了兩成樓價，而且新買家願意售後租回，租金與以前一樣，賺到錢，梗係要請大家食早餐。不過，賣樓的時候唔敢問各位意見，擔心大家反對，其實不用擔心，唔會有人反對，客人賣走自住單位，賺了錢，事情就告一段落，即使樓價日後繼續上升，只不過是賺少咗。如果唔贊成，萬一日後樓價下跌，客人由賺變蝕，咁樣日後就會「面左左」。老闆話，那些是橫財，橫財見好就要收。
紀惠集團行政總裁
[湯文亮 茶餐廳手記]