2026-03-18
明報
【明報專訊】星期二早上去到茶餐廳，有客人話留意咗成年，即使樓市上升，但傳媒很少報道賺錢個案，反而不斷報道有投資者蝕錢，是否傳媒以此為戒，希望港人唔好投資地產，否則很容易輸到連渣都無？
不過，客人亦留意到，在外國的報道，大多數是講賺錢個案，根本很少提及蝕錢，就算「斬殺線」斬了咁多業主，傳媒只是輕輕帶過，唔會話業主蝕到瞓街。
老闆話，傳媒並不是叫香港人唔好投資地產，反之，如果有能力，記者都會買樓，傳媒報道負面新聞是中國人性格，大家讀歷史，發覺歷史學家對一個朝代開始只是「含糊其辭」，秦皇漢武、唐宗宋祖如何統一中國都沒有詳細報道，或者是歷史學家不屑為之，唔想後世人話他們拍馬屁。不過，對於一個朝代終結就會詳細描述，當然是執政者的過失，而歷史記載的大多數是失敗例子，例如文天祥「正氣歌」，當中12位人物大多數是「失敗者」，而且結果是很悲慘。老實說，如果不是結局悲慘又點會入正氣榜，所以，唔好講賺錢，就算是蝕錢，物業投資者如果唔係輸到好金，傳媒都唔會報道。
外國的傳媒反而很少報道失敗者，法國的拿破崙橫掃歐洲，歷史學家當然繪影繪聲，但是在滑鐵盧之役，他們唔會話拿破崙打敗仗，只是話英國威靈頓將軍擊敗拿破崙，另一個成功人物出現。
紀惠集團行政總裁
[湯文亮 茶餐廳手記]