【明報專訊】對過渡房屋及簡約公屋有需求?基層市民，唔少都想住喺市區，而近年政府積極研究改建更多空置校舍做過渡屋及簡約公屋。房屋局長何永賢噚日宣布，位於牛頭角上邨?前香港道教聯合會雲泉學校將改建成過渡屋，預計明年初動工，目標同年第三季完工，現正邀請有興趣?非政府機構（NGO）遞交建議書。
邀NGO交營辦建議書
何永賢喺社交專頁發帖，提到呢個項目建築面積約4900平方米，但未提及可以提供幾多單位同埋住幾多人。佢話為幫助更多有迫切住屋需要?市民，局方積極推動將市區空置校舍改建做過渡屋。
就住呢間學校?改建項目，何永賢話房屋局邀請NGO遞交建議書後，會根據計劃內容、管理能力及營運費用等因素甄選，預計今年第二季提交撥款建議畀「支援非政府機構推行過渡房屋項目的資助計劃」評審委員會審議。