梁文廣：宏志閣唔拆手尾好長

【明報專訊】上屆立法會「A4聯盟」喺今屆剩番議員梁文廣同楊永杰，佢哋噚日喺新春傳媒茶敘介紹未來一年工作目標。梁文廣話今年想集中跟進大埔宏福苑宏志閣住戶安置事宜，話知道部分住戶希望政府收購，而宏福苑40幾年樓齡，如果宏志閣唔拆，市價會好低，相信住戶都想政府收購。 梁文廣相信最終有過半宏志閣住戶達成共識，希望被納入收購，至於呎價係咪同其他7幢樓睇齊，佢話都要睇外界觀感。被問將來會唔會舉行居民大會，佢話覺得機會唔大，擔心有人起哄，喺外界觀感上對災民唔係好事。 政府年初?問卷結果有183戶只接受原址重建，梁文廣話居民做問卷前聽到建議收購呎價6000至8000元，所以先有人只求原址重建，相信佢哋𠵱家會接受政府方案。被問安排要求原址重建?居民有冇可能搬入宏志閣空置單位，佢話其餘7幢樓會拆，到時剩低宏志閣，要處理維修等後續問題，手尾好長，認為建議唔可行。 楊永杰構思食環街市直播賣貨 楊永杰就話未來會關注街市空置率問題，佢早前已接觸食環署前線了解，計劃成立委員會蒐集意見，再向政府反映。佢話初步構思包括參考內地做法，喺街市直播賣貨，同埋跟美團等物流平台合作，另會同商界傾下以「二房東」形式承租舖位經營，仲可以舉辦藝術活動活化街市等。