2026-02-13
明報
【明報專訊】星期四早上去到茶餐廳，氣氛很奇怪，原來有一個物業投資者，一個人靜靜地食早餐，無人騷擾佢，或者騷佢。以往那名投資者身邊圍滿很多人，大多數問佢點睇樓市，如果投資者落搭，那些人便會跟風，理由是他們認為物業投資者是鳳凰，無寶不落，今日都是鳳凰，不過是落難鳳凰。
蛇年對於物業投資者來說，可以說是全部都是落難鳳凰，所有投資者都輸錢，只是輸多輸少，有不少要賣了自用或者自住單位，但已經算唔錯。有不少投資者被銀主沒收了自用或者自住單位，其他物業變成銀主盤就不計其數。不過，相信大多數物業投資者都可以生存下來，只是，身家就會大為縮水。
蛇去馬來，估計馬年的地產市道應該唔錯，人口增加，而且大多數是優質人口，需求大了，樓價自然上升。地產商有見及此，亦有信心投地，最近地價升了，成交價都貼近估價上限，對地產市道來說，當然是好事。物業投資者應該不會是落難鳳凰，理論上是如此，但前提是銀行在投資者能夠按時還款之下，唔再call loan，否則，投資者就會慘過落難鳳凰，不如雞。
紀惠集團行政總裁
[湯文亮 茶餐廳手記]