【Emily】劉文君死線前利申 邱達根54物業成今屆「樓王」

【明報專訊】立法會噚日舉行新一屆首次會議，根據《議事規則》，議員最遲要喺每屆任期舉行首次會議當日向立法會秘書提供個人利益申報。Emily瀏覽立法會網站，發現建測規園界議員劉文君有3份申報係噚日先登記，成為最後一個完成申報?議員。翻查3份申報?登記時間，最遲登記?一份係噚日朝早10點02分，距離立法會大會唔夠一個鐘，睇嚟佢都係deadline fighter（死線戰士）。 至於今屆「樓王」，就係科技創新界邱達根，佢申報有54項物業，最多喺佛山，有32個出租商廈單位同1個出租住宅，喺上海同港島各有1個出租住宅，喺英國就有1個自用住宅同兩個出租住宅，另外佢同家族成員共同喺新界持有16個住宅。土地方面，佢申報喺新界有5幅自用空置農地，日本都有1幅空置住宅地。