2026-01-01
明報
【明報專訊】踏入2026年，房屋局長何永賢（Winnie）噚日喺facebook發帖，總結政府去年?房屋工作，形容承接過去兩年多努力，「漸漸見到更多成效」。佢提到喺社會各界同心支持下，政府扭轉咗公營房屋供應頭輕尾重問題，2025年有超過2.3萬伙公營房屋落成，當中居屋達1.06萬個，為市民提供更健康?房屋階梯。
Winnie提到今屆特區政府上任前，一般申請者公屋輪候時間係6.1年，2025年一般申請者公屋綜合輪候時間低見5.1年，少咗一年。佢又提到持續落成過渡屋有1.96萬伙，並喺宏福苑大火中發揮咗應急支援作用。
不過，呢次總結未提到本報去年9月初率先報道天水圍天恩邨精神病患母子被收公屋期間墮樓離世，而特首李家超及後提出需優化收回違規戶單位安排?進展。Emily相信政府今年會有交代，唔會「走數」。