2025-10-15
ming
【明報專訊】打工仔最關心有無得加人工。香港人力資源管理學會噚日公布2025年薪酬趨勢調查結果，顯示香港僱員今年平均加薪2.7%，比舊年下跌0.5個百分點，同時展望出年平均加薪3.5%。調查中有88.6%受訪機構今年加薪，有11.4%機構凍薪、按年上升3.1百分點，凍薪比例亦係2022年以嚟嘅最高水平。計埋通脹 平均加1.2%學會今年1至9月喺香港訪問167間機構，來自12個行業，涵蓋大約14.22萬個全職受薪僱員。調查顯示，香港僱員今年平均加薪2.7%，按年下跌0.5個百分點，扣除今年頭8個月嘅通脹升幅1.5%後，實際基本薪酬調整係1.2%。學會前任會長兼理事會成員孔于人話，舊年好多機構為咗應對人才短缺，採取加薪策略吸引同挽留人才，但因應今年經濟環境同營運因素，好多機構嘅薪酬策略都變得審慎。佢仲留意到，今年薪酬調整幅度係近年嘅低水平，但同時仍有超過八成員工加薪，反映機構平衡營運同挽留人才嘅需求。相關字詞﹕打工仔人工薪酬趨勢調查香港人力資源管理學會